O Café Moderno Afundación de Pontevedra constitúe un emblema intelectual e artístico en Pontevedra, pois nos seus faladoiros participaron algúns dos personaxes fundamentais da cultura contemporánea do país. Castelao, Bóveda ou Laxeiro tiveron unha estreita vinculación coa cidade e tamén con este local. Os lenzos que Carlos Sobrino pintou expresamente para este café cumpren o seu centenario e por este motivo no Moderno ten lugar a mostra para a que se realiza este catálogo.

A devandita mostra recolle obra dunha nómina de pintores pontevedreses (por nacemento e/ou residencia prolongada) que ilustra a evolución e fertilidade creativa das súas respectivas producións pictóricas, en diálogo co contexto plástico da cidade dende comezos de século. Os artistas representados son: Alejandro Paisa, Rafael Úbeda, Jorge Castillo, Arturo Cifuentes, Manuel Aramburu, José Barreiro, Jaime F. Falcón, Manuel Ruibal, Eduardo Dios, Álex Vázquez, Manuel Moldes, Fernando Vilanova.  

____

Editorial: AFUNDACIÓN
Idioma: Galego